Pèd-rufe-faus
Pseudoscleropodium purum
Brachytheciaceae
Nom en français : Faux pied-dur.
Descripcioun :Aquelo mousso pluroucarpo coumuno trachis dins li relarg d'oumbro e fres pulèu sus sòu séusous. La tijo èi regulieramen ramado. Se recounèis majamen à si fueio de cambo redouno e proun councavo que s'acabon d'un cop emé un pichot benc. La costo se vèi bèn e fai mai que la mita de la fueio.
Usanço :Se pòu engana emé d'àutri mousso pluroucarpo di fueio larjo, pamens la costo e lou benc fan la diferènci. S'atrovo uno meno procho Scleropodium tourretii, pu pichoto, que trachis dins li relarg mai caud e que caup de fueio mens councavo e mens pounchudo.
Port : Pluroucarpo
Taio : 10 à 15 cm
Fueio : 1,8 à 2,5 mm
Tipe bioulougico :
Cicle bioulougico : Planto renadivo
Gènre : Pseudoscleropodium
Famiho : Brachytheciaceae
Ordre : Hypnales
Coulour de la flour :
Petalo : 2 à 4 cm
Ø (o loungour) flour : Coumplet
Flourido :
Ivèr
Sòu : Si (Ca)
Autour basso e auto : 10 à 1800 m
Aparado : Noun
Desèmbre à mars
Liò : Sòu
- Champino
Estànci : Mesoumediterran à Subaupen
Couroulougi : Oulartico
Ref. sc. : Pseudoscleropodium purum (Hedw.) M.Fleisch., 1923
Afatoulié
Prunus brigantina
Rosaceae
Àutri noum : Afatounié, Afatourié, Afàtou.
Nom en français : Prunier de Briançon.
Descripcioun :L'afatoulié se recounèis l'estiéu à si afàtous (abrignoun, afatoun) verd pièi jaune. Flouris au printèms emé de pichòti flour blanco d'ounte sorton de lònguis estamino. Li fueio, que sèmblon à li de l'ambricoutié vènon bèn à l'après.
Usanço :Se fai de counfituro emé lis afàtous (emé proun de sucre !), e d'òli de marmoto emé lis amandoun (meseioun). Fau aperaqui 10 000 amandoun pèr n'en faire un litre. J.-R. Fortoul, op.cit., ramento que lis afàtous èron descalagna dóu tèms di lòngui vihado. L'òli èi bon pèr la cousino e pèr sougna li macaduro e lou mau d'os. Se metié un tros de pan dins la sartan pèr leva la forto óudour de l'òli : "Lou pan surbiò lou gros dal fouort de l'óli, l'amarun". Lou darrié moulin s'arestè de vira en 1923 à Suzo (CN).
Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo
Gènre : Prunus
Famiho : Rosaceae
Ordre : Rosales
Coulour de la flour :
Blanco
Petalo : 5
Ø (o loungour) flour : Pancaro entresigna
Flourido : Printèms
Sòu : Ca
Autour basso e auto :
Pancaro entresigna
Aparado : Noun
Liò : Sebisso
- Prado
Estànci : Subremediterran à Mountagnard
Couroulougi :
Pancaro entresigna
Ref. sc. : Prunus brigantina Vill., 1786
